„Sorgmæddur og miður sín“
Setja bókamerki
Jeremy Clarkson segist vera „sorgmæddur og miður sín að hlutirnir skyldu enda svona“ eftir að síðasti þáttur Top Gear, þar sem hann var enn stjórnandi, var sýndur í gær.
Þátturinn var tekinn var upp á meðan Clarkson stjórnaði Top Gear ásamt félögum sínum James May og Richard Hammond, en eins og fjallað hefur verið um var Clarkson vikið úr starfi á BBC eftir að hafa slegið framleiðanda þáttanna eftir rifrildi.
Þátturinn er einnig sá síðasti sem May og Hammond stjórna, en þeir hafa þegar tilkynnt að þeir muni ekki snúa til baka en taka frekar þátt í öðru efni með fyrrverandi félaga sínum.
Many many thanks for all your support and encouragement over the years. So sad and sorry it's ended like this
— Jeremy Clarkson (@JeremyClarkson) June 28, 2015
Ásamt myndefninu sem tekið hafði verið upp fyrir þáttinn komu May og Hammond fram í myndveri og buðu sjónvarpsáhorfendur velkomna í „það sem eftir er af Top Gear“. Ólíkt því sem venjulega var, þegar myndverið var fullt af áhorfendum og Clarkson var þar með þeim, voru þeir aðeins tveir í settinu.
Með þeim í myndverinu var þó „fíllinn í herberginu“ - stór plastfíll sem þeir kölluðu Jeremy. Það er því ljóst að félagarnir hafa verið tilbúnir að slá á létta strengi, þrátt fyrir tilfinningaþrungið andrúmsloft.
Fyrrverandi sjónvarpsstjarnan og útvarpsmaðurinn Chris Evans hefur verið ráðinn þáttastjórnandi í Top Gear. Samningurinn er til þriggja ára en ekki hefur verið gefið út hverjir muni stjórna þættinum með honum.
Einar skorar á næstu ríkisstjórn
Þórarinn: Tafir á höfuðborgarsvæðinu ekki minni
Borgin verður af milljörðum eftir dóm Hæstaréttar
Mjög alvarlegt ef Njarðvíkuræð gefur sig
Erlendir miðlar greina frá tíunda gosinu
Spara stórfé með olíukaupum ytra
Tekist á um áður óþekkta skýrslu landlæknis
Hvað gerðist eiginlega í VMA?