Paltrow „skolar ekki úr skonsunni“

Það vakti mikla athygli fyrr á þessu ári þegar leikkonan Gwyneth Paltrow birti frétt á heimasíðu sinni Goop.com þar sem hún sagðist reglulega „skola úr skonsunni“ með sérstöku gufutæki sem heitir Mugworth V-Steam.

Í fréttabréfi sem heimasíða hennar sendi út í dag segist Paltrow ekki notast við meðferðina. Hún segir ritstjóra heimasíðunnar hafa skrifað fréttina upp á eigin spýtur. Hún hafi vissulega heyrt af meðferðinni en ummæli um hennar þar hún er sögð lýsa tilfinningunni voru að hennar sögn skálduð af ritstjóra síðunnar. 

Ummælin um gufumeðferðina vöktu mikla athygli og voru sérfræðingar fljótir að gagnrýna vísindin að baki. Kven­sjúk­dóma­lækn­ir­inn Jen Gun­ter er ein af þeim sem mæltu gegn meðferðinni. Hún seg­ir meðferðina ekki geta verið góða.

„Gufa er lík­leg­ast ekki góð fyr­ir leggöng­in,“ skrifaði Gun­ter. Hún sagði þá að jurta­guf­an, sem notuð er í Mugworth V-Steam-gufumeðferðina, geti alls ekki komið jafn­vægi á neina horm­óna. Gun­ter sagði einnig að gufumeðferðin gæti ekki með nein­um hætti hreinsað legið. „Guf­an kemst ekki að leg­inu frá leggöng­un­um nema henni sé þrýst þangað. Það ætti alls ekki að gera.“

Sjá frétt mbl.is: Lætur skola reglulega úr skonsunni

Sjá frétt mbl.is: Segja Paltrow fara með tóma þvælu

• Blogga um frétt