Dánarorsök ekki birt opinberlega
Setja bókamerki
Dánarorsök Bobbi Kristina Brown liggur fyrir en ekki verður greint frá henni opinberlega. Dánardómsstjórar hafa tilkynnt að ekki verði upplýst um hana og að dómstóll í Georgíu hafi farið fram á að niðurstaðan verði innsigluð.
Bobbi Kristina Brown, dóttir söngkonunnar Whitney Houston, lést á hjúkrunarheimili 26. júlí sl. eftir að hafa verið í dái í hálft ár. Hún var 22 ára gömul. Brown fannst meðvitundarlaus í baði í íbúð sinni í Atlanta í lok janúar.
Móðir hennar drukknaði í baði árið 2012 á hótelherbergi í Los Angeles kvöldið fyrir Grammy verðlaunaafhendinguna.
Í tilkynningu frá dánardómstjóra Fulton sýslu kemur fram að niðurstaða krufningar verði ekki birt að beiðni dómstólsins.
Bobbi Kristina var eina barn Whitney Houston og fyrrverandi eiginmanns hnennar, Bobby Brown. Hún var jarðsett við hlið móður sinnar í Fairview kirkjugarðinum í Westfield, New Jersey.
„Börn heima sem maður myndi vilja hafa í skjóli“
Fyrsti blaðamannafundurinn í heild sinni
Lát hjóna í Neskaupstað: Ákæra gefin út
Skattamál verði líklega „þeirra mesta klemma“
„Tímabil aukinnar eldvirkni“
Forstjóri bendir á ábyrgð birgja vegna verðhækkana
