Körfuboltastjarnan Lamar Odom, sem liggur þungt haldinn á sjúkrahúsi, komst til meðvitundar í gær og gat sagt „hæ“ við fyrrverandi eiginkonu sína, Khloe Kardashian. Þetta kemur fram í frétt bandarísku fréttastofunnar CNN. Odom og Kardashian hafa sótt um skilnað en hann hefur enn ekki verið lögformlega staðfestur og því ber Kardashian enn ábyrgð á meðferð Odoms. 

Odom fannst meðvitundarlaus á vændishúsi í Las Vegas á þriðjudag og var haldið sofandi allt þar til í gær. 

Fyrrverandi þjálfari Odoms í háskólakörfuboltanum, Jim Harrick, segir við CNN að Kardashian hafði sagt sér að hún hefði hallað sér að fyrrverandi manni sínum í sjúkrarúminu og sagst elska hann. Hann hafi verið vakandi og blikkað augunum.