Ástand körfuknattleiksmannsins Lamar Odom fer batnandi en hann er þó enn á gjörgæslu eftir að hafa vaknað úr fjögurra daga dái á föstudag.

Heimildarmaður People segir Lamar hafa vaknað reglulega síðan og sýna meiri viðbrögð en áður. Hann sé þó enn á gjörgæslu, fái súrefni og sofi mikið.

„Hann talar ekki en virðist skilja þegar Khloé og starfsfólk spítalans talar við hann. Hann mun fara í aðra segulómskoðun á höfði á næstu dögum til að kanna skemmdir sem hefðu getað komið til af heilablóðföllunum,“ segir heimildarmaður People.

„Khloé hefur enn ekki vikið frá honum og virðist mjög þreytt. Um leið og Lamar vaknar flýtir hún sér til hans til að halda í höndina á honum. Hún sefur á útdregnu rúmi við hlið Lamar.“

Snemma í morgun deildi Kim Kardashian skilaboðum á Instagram þar sem hún sagði að hún og Kendall Jenner hefðu komið honum til að brosa.

Odom fannst meðvitundarlaus á vændishúsi í Nevada á þriðjudaginn. Í blóði hans fannst kokteill eiturlyfja og var honum vart hugað líf.

Tengdar fréttir

Lamar Odom

Hætt við að hætta saman?

• Sækir um skilnað á ný
• Segir KUWTK hafa eyðilagt líf sitt
• Hefur áhyggjur af drykkju Odoms
• Fyrsta myndin síðan í október

» Fleiri tengdar fréttir

• Blogga um frétt