Körfuboltakappinn fyrrverandi Lamar Odom getur nú andað án hjálpar öndunarvélar að sögn heimildarmanns Entertainment Tonight. Ástand Odoms er þó enn talið alvarlegt en hann fannst meðvitundarlaus á vænd­is­húsi í Nevada á þriðju­dag­inn. Í blóði hans fannst kokteill eit­ur­lyfja og var hon­um vart hugað líf. Odom, sem er 35 ára gamall, vaknaði úr dái á föstudag. Nú er hann vakandi og er ástand hans stöðugt.

Hann er þó enn á gjörgæsludeild Sunrie-sjúkrahússins í Las Vegas og er fyrrverandi eiginkona hans, Khloe Kardashian, hjá honum. Heimildarmaður Entertainment Tonight neitar því að upptökur á raunveruleikaþætti Kardashian-fjölskyldunnar, Keeping Up With the Kardashians, séu í gangi á sjúkrahúsinu. Samkvæmt áætlunum E!-sjónvarpsstöðvarinnar sem framleiðir þættina áttu tökur á nýrri þáttaröð að hefjast í lok október en því gæti nú verið frestað.

Á laugardaginn komu Kris Jenner, Kim Kardashian, Kendall Jenner og besta vinkona Khloe Kardashian, Malika Haqq, til Las Vegas til þess að vera með Khloe sem hefur ekki yfirgefið herbergi Odoms á sjúkrahúsinu. Á laugardaginn stóð til að halda veislu til þess að fagna óléttu Kardashian en henni hefur nú verið frestað.

Kris Jenner og Kim Kardashian fyrir utan sjúkrahúsið í síðustu viku. AFP

Tengdar fréttir

Kardashian

Óþekkjanleg á tískupallinum í París

• Yfir sig ástfangin á afmælisdaginn
• Hneykslaði brúðkaupsgesti með fatavali sínu
• Hefði farið á megrunarlyf
• Kris Jenner með æxli

» Fleiri tengdar fréttir

Lamar Odom

Hætt við að hætta saman?

• Sækir um skilnað á ný
• Segir KUWTK hafa eyðilagt líf sitt
• Hefur áhyggjur af drykkju Odoms
• Fyrsta myndin síðan í október

» Fleiri tengdar fréttir

• Blogga um frétt