Leikkonan Sofia Vergara og leikarinn Joe Manganiello gengu í hjónaband í gær og í afþreyingarheiminum er talað um brúðkaup ársins.
Vergara sem er fædd í Kólumbíu er hæst launaða leikkonan í bandarísku sjónvarpi en hún fer með aðalhlutverkið í þáttaröðinni Modern Family. Eiginmaðurinn, Manganiello leikur aftur á móti í The Breakers.
Brúðkaupið fór fram á Palm Beach og var brúðkaupinu fagnað alla helgina. Vergara hefur birt myndir á Instagram frá brúðkaupinu þar sem brúðarkjóllinn leikur stórt hlutverk sem og brúðarvöndurinn, hvítar orkideur.
Meðal gesta í brúðkaupinu voru þau Reese Witherspoon, Channing Tatum og félagar hennar úr þáttunum Modern Family. Það var sonur hennar, Manolo, 23 ára, sem var svaramaður móður sinnar í brúðkaupinu.
Árið 2014 áætlaði Forbes að hún hefði 37 milljónir Bandaríkjadala í árstekjur fyrir hlutverkið í Modern Family sem er töluvert meira en mótleikari hennar, Ashton Kutcher, sem var með 26 milljónir dala í tekjur.
Manganiello er þekktastur fyrir hlutverk sitt í myndinni Magic Mike og þáttaröðinni How I Met Your Mother. Um það bil átján mánuðir eru síðan þau byrjuðu saman en þau trúlofuðu sig í desember í fyrra.