Tjáði sig um móðurmissinn

Harry Bretaprins vígði í gær munaðarleys­ingja­hæli í Lesot­ho, Afr­íku, fyr­ir börn sem smituð eru af HIV og AIDS. Góðgerðarfé­lag Harrys, Sentebale, byggði hælið en prins­inn heim­sótti landið fyrst fyr­ir 11 árum.

Lesot­ho er eitt minnsta land í heim­in­um, en tíðni HIV er engu að síður ein sú hæsta á heimsvísu.

Í opn­un­ar­ræðu sinni talaði prins­inn um móður­missinn, sem hann seg­ir hafa skilið eft­ir gapandi sár í hjarta sínu.

„Fyr­ir 11 árum heim­sótti ég Lesot­ho í fyrsta sinn. Á ferðalagi mínu var ég sleg­inn yfir því hversu líf margra barna hafði verið lagt í rúst vegna þess að þau höfðu misst for­eldra sína.“

„Ég trúði því vart að svo mörg börn hefðu verið svipt æsk­unni vegna gríðarlegr­ar fá­tækt­ar og þeirr­ar eyðilegg­ing­ar sem fylg­ir HIV- og AIDS-far­aldr­in­um. Þrátt fyr­ir að þau hafi brosað breitt var ljóst að þau þurftu á umönn­un, at­hygli og um­fram allt ást að halda.“

„Þrátt fyr­ir að aðstæður okk­ar væru ólík­ar fann ég fyr­ir teng­ingu á milli mín og margra barn­anna sem ég hitti.“

„Við deild­um sama missin­um, enda höfðum við öll misst ást­vin. Í mínu til­viki var það for­eldri. Ég, líkt og þau, vissi að það myndi alltaf vera hola í hjarta okk­ar sem ómögu­legt er að fylla.“

• Blogga um frétt