Leikarinn og grínistinn Bill Cosby hefur höfðað mál á hendur sjö þeirra kvenna sem hafa sakað hann um kynferðisbrot. Í kærunni sakar Cosby konurnar um að bera á sig „rætnar, tækifærissinnaðar, falskar og ærumeiðandi“ sakir.

Konurnar sem leikarinn hefur höfðað mál gegn eru Tamara Green, Therese Serignese, Linda Traitz, Louisa Moritz, Barbara Bowman, Joan Tarshis og Angela Leslie.

Málshöfðunin er svar leikarans við málshöfðun kvennanna, sem kærðu hann fyrir ærumeiðingar í desember 2014. Um er að ræða lítinn hluta þeirra kvenna sem hafa sakað Cosby um kynferðisbrot, en hópurinn telur nú yfir 50 konur.

Leikarinn hefur ítrekað haldið fram sakleysi sínu.

Huffington Post sagði frá.

Tengdar fréttir

Bill Cosby

Fyrrverandi Playboy-fyrirsæta kærir Cosby

• Cosby dæmdur fyrir að brjóta gegn unglingsstúlku
• Cosby heldur fyrirlestra í fangelsinu
• Úr þjóðargersemi í kynferðisafbrotamann
• Bill Cosby dæmdur í fangelsi

» Fleiri tengdar fréttir

• Blogga um frétt