Nýjasta Stjörnustríðsmyndin; Star Wars: The Force Awakens, sló met vestanhafs um helgina og er sú mynd sem rakað hefur inn mestu fé á frumsýningarhelgi í kvikmyndahúsum í Bandaríkjunum og Kanada.

Tekjur myndarinnar vestanhafs námu 238 milljónum Bandaríkjadala, en fyrra met átti Jurassic World sem halaði inn 208,8 milljónum dala þegar hún var frumsýnd fyrr á árinu.

Stjörnustríðið náði þó ekki að slá met risaeðlanna á heimsvísu, en heildartekjur Star Wars: The Force Awakens um helgina námu 517 milljónum dala. Þegar Jurassic World var frumsýnd námu heildartekjurnar 524,9 milljónum dala.

Tengdar fréttir

Stjörnustríð

Mannaveiðarinn seldist á ríflega milljón dali

• Hefur sett Loga Geimgengil á hilluna
• Tvær nætur á 750 þúsund á Stjörnustríðshóteli
• Stjörnuprinsessan sem fæddist fræg
• Ísland í nýrri Star Wars-stiklu

» Fleiri tengdar fréttir

• Blogga um frétt