Stjörnustríðið raðar inn metunum
Setja bókamerki
Enn eitt metið var slegið í gær í kvikmyndahúsum vestanhafs þegar nýja Stjörnustríðsmyndin skilaði 49,3 milljónum Bandaríkjadala í tekjur á einum degi. Aldrei áður hefur kvikmynd skilað jafn miklum tekjum á jóladag í sögunni.
Star Wars: The Force Awakens fór létt með að slá fyrra met Sherlock Holmes með Robert Downey, Jr frá jóladag árið 2009.
Frá frumsýningu á Stjörnustríðsmyndinni fyrr í mánuðinum þá hefur myndin skilað 890,3 milljónum Bandaríkjadala, 116 milljörðum króna, í tekjur og þar af nema tekjurnar í Bandaríkjunum 440,4 milljónum Bandaríkjadala.
Það er því spurning hvort Stjörnustríðsmyndin geri betur en tvær kvikmyndir James Cameron, Avatar, sem skilaði 2,79 milljörðum Bandaríkjadala í tekjur og Titanic, sem skilaði 2,19 milljörðum Bandaríkjadala. Miðað við aðsóknina á fyrstu dögunum eftir frumsýningu þá þykir það mjög líklegt.
Viljum hvorki vera Danir né Bandaríkjamenn
Ætla ekki að skila peningnum
Þykir gott að flóðin féllu
Efla vill semja beint við dagforeldra
Íbúar komnir heim á ný
Ákvörðun Trumps veldur titringi
„Sársauki okkar er nístandi“