Lamar Jr., sonur Lamar Odom, fyrr­ver­andi leik­manns Los Ang­eles Lakers í NBA-deild­inni í körfu­bolta, sem fluttur var á sjúkrahús í október eftir að hafa fundist meðvitundalaus á hóruhúsi í Las Vegas, hóf nýtt ár á því að birta mynd af föður sínum. Er þetta fyrsta opinberlega myndbirtingin af Odom frá því að hann fannst meðvitundalaus á hóruhúsinu.

Talið er að notk­un hans á alls kon­ar lyfj­um, meðal ann­ars stinn­ing­ar­lyfj­um, í þrjá daga sam­fellt hefði valdið heila­blóðfalli og súr­efn­is­skorti og segja fjölmiðlar Vestanhafs ólíklegt að Odom muni ná sér aftur að fullu eftir atvikið.

Undir myndinni sem birtist á Instagram-síðu Odom Jr. á gamlársdag stóð: „Jólin með pabba. Þessi er fyrir 2016.“

Odom er enn á sjúkrahúsi í Los Angeles en á batavegi. Einhver bakslög hafa komið upp við endurhæfingarferlið, á hann m.a. í vandræðum með að ganga óstuddur og stríðir við minnisleysi.

Odom á tvö börn ásamt fyrrverandi eiginkonu sinni Liza Morales. Odom er nú giftur raunveruleikastjörnunni Khloe Kardashian, en þú búa ekki saman.

Frétt Washington Post um málið.

Tengdar fréttir

Lamar Odom

Hætt við að hætta saman?

• Sækir um skilnað á ný
• Segir KUWTK hafa eyðilagt líf sitt
• Hefur áhyggjur af drykkju Odoms
• Lamar Odom verður aldrei samur

» Fleiri tengdar fréttir

• Blogga um frétt