Hefur þénað meira en Titanic
Setja bókamerki
Nýjasta Stjörnustríðsmyndin, Star Wars: The Force Awakens, skilaði 88,3 milljónum Bandaríkjadala í tekjur um helgina. Myndin er búin að vera vinsælasta kvikmyndin í Bandaríkjunum í þrjár vikur.
Star Wars: The Force Awakens hefur slegið hvert metið á fætur öðru og var þessi helgi engin undantekning. Heildartekjur myndarinnar eru komnar upp í rúmlega 740 milljónir Bandaríkjadala á aðeins nítján dögum. Hún er nú þegar búin að toppa stórmyndirnar Jurassic World, sem þénaði 652 milljónir og Titanic sem skilaði 658 milljónum í kassann.
Sú kvikmynd sem hefur þénað mest er enn Avatar en hún hefur skilað inn 760,5 milljónum Bandaríkjadala í tekjur. Líklegt þykir að Star Wars slái met Avatar fljótlega. Bent er á það í frétt NBC að það hafi tekið Avatar 72 daga að þéna 700 milljónir en það tók Star Wars 16 daga.
Svo virðist sem margir Bandaríkjamenn hafi farið í bíó um helgina en mikill hagnaður var í kvikmyndahúsum landsins síðustu daga. Kvikmyndin Daddy‘s Home skilaði til að mynda inn 29 milljónum Bandaríkjadala í tekjur og önnur gamanmynd, Sisters, þénaði 12,6 milljónir.
Ekki tekist að vernda börn þrátt fyrir vitneskju
Íbúar komnir heim á ný
Inga Sæland fyrir og eftir ráðherrastólinn
„Ég hef verið kjaftaskur mikill“
Vonast til að menn sjái alvöru málsins
„Þetta er ógnvænleg staða“
„Sársauki okkar er nístandi“