Svanasöngur Bowie beint á toppinn
Setja bókamerki
Blackstar, síðasta verk David Bowie, skaust beint á toppinn í Bandaríkjunum og hafðist þar með það sem listamanninum tókst ekki í lifanda lífi; að koma plötu í fyrsta sæti vestanhafs. Með velgengni Blackstar skipar Bowie sér einnig sess í fámennum hóp tónlistarmanna sem hafa átt tvær plötur í fimm efstu sætum Billboard-listans.
Það er safnplatan Best of Bowie sem situr í fjórða sæti listans. Hún kom út árið 2002 en skaust aftur upp vinsældalistana í kjölfar andláts listamannsins.
Blackstar kom út á 69. afmælisdegi Bowie, aðeins tveimur dögum áður en hann lést. Hún hefur hlotið lof gagnrýnenda en í ljós hefur komið að Bowie hugsaði plötuna sem sína hinstu listrænu yfirlýsingu.
Í þessu sambandi er myndbandið við lagið Lazarus sérstaklega athyglisvert, en þar sést Bowie liggja í sjúkrahúsrúmi og að lokum hverfa inn í myrkan skáp.
Þá ber að geta þess að Bowie tókst það sem öðrum hefur ekki tekist í sjö vikur samfellt; að velta Adele af toppinum. Plata hennar 25 situr nú í öðru sæti.
Blackstar fór einnig beint á topp breska listans og er tíunda plata Bowie til að rata þangað.
Fresta framkvæmdum við Landspítala
Viðreisn í mikilli sókn
„Mjög bagalegt“ að klára ekki málið
Erfiðara fyrir flokka að segjast hlutlausir
110 milljónir í stöðu prófessors
Óvissustigi á Vestfjörðum aflýst
