Bannað að brosa

Rapparanum Kanye West er greinilega margt til lista lagt, en í gær fór fram tískusýning í Madison Square Gardens þar sem fatalínan hans Yeezy 3 var kynnt.

Að sjálfsögðu var Kardashian/Jenner gengið allt samankomið, en West sá um að hanna klæðnað þeirra.

Fyrirsæturnar sem tóku þátt í sýningunni bera West líklega ekki vel söguna, enda er hann harður húsbóndi ef marka má frétt Daily Mail.

Þá fór hönnuðurinn fram á að fyrirsæturnar myndu ekki brosa og ekki hvísla sín á milli. Þess að auki var þeim bannað að dansa og syngja nema þeim væri heimilað það sérstaklega. Engu að síður áttu þær að vera slakar, á meðan þær stóðu beinar í baki svo eitthvað sé nefnt.