„Ég nauðgaði ekki Kesha“
Setja bókamerki
Dr. Luke, fyrrverandi upptökustjóri poppstjörnunnar Kesha, hefur neitað því á Twitter að hafa nauðgað söngkonunni, beitt hana andlegu ofbeldi og byrlað henni ólyfjan. Þá hefur hann einnig gagnrýnt það að „dómstóll Twitter“ hafi hafið herferð gegn sér.
Mikil reiði hefur myndast á samfélagsmiðlum eftir að dómstóll í New York neitaði Kesha um lögbann á samning hennar og Dr. Luke í síðustu viku en hún sakaði hann um kynferðislega áreitni árið 2014. Samband Dr. Luke og Kesha er flókið en honum hefur verið lýst sem læriföður söngkonunnar.
Fyrri frétt mbl.is: Föst milli steins og sleggju
Lögfræðingur Dr. Luke, Christine Leprea, lýsti því yfir í gær að skjólstæðingur hennar væri saklaus og hefði ekki nauðgað söngkonunni eða beitt hana andlegu ofbeldi. Sakaði hún söngkonuna og lögfræðinga hennar um að skemma orðspor Dr. Luke. Sagði hún ásakanirnar á hendur honum lygar.
Hingað til hefur upptökustjórinn lítið tjáð sig um málið en í dag rauf hann þögnina á Twitter. Ítrekaði hann sakleysi sitt og sagði að Kesha hafi verið eins og „litla systir“ hans.
Sagði hann jafnframt að honum þætti ekki rétt að nota Twitter til þess að ræða mál sem þessi og sagði það slæmt hversu mikið fólk hefði velt sér upp úr málinu og jafnvel tekið afstöðu „hafandi svo litlar upplýsingar“.
„Ég nauðgaði ekki Kesha og hef aldrei átt við hana samærði. Kesha og ég vorum vinir í mörg ár og hún var eins og litla systir mín,“ skrifaði Dr. Luke á Twitter.
„Ég á 3 systur, dóttur og son með kærustu minni og femíníska móður sem ól mig rétt upp,“ skrifaði Dr. Luke. „Það er sorglegt að hún [Kesha] hafi notað viðræður vegna samninga til þess að halda einhverju fram sem er svona hræðilegt og ósatt.“
I didn’t rape Kesha and I have never had sex with her. Kesha and I were friends for many years and she was like my little sister.
— Dr. Luke Doctor Luke (@TheDoctorLuke) February 22, 2016
Lepera hefur einnig haldið því fram að Kesha sé frjálst að taka upp og gefa út tónlist án aðkomu Dr. Luke óski hún eftir því. „Allar fullyrðingar um að hún sé ekki „frjáls“ eru byggðar á uppspuna.“
Í vinnunni á aðfangadagskvöldi í 25 ár
Óveður heldur Holtavörðuheiði lokaðri
Hellisheiði og Þrengsli ekki opnuð í dag
Strandveiðar „efnahagsleg sóun“
Fuglager í Grindavík: „Þetta var bara pínu magnað“
Ofmeta sparnað í stjórnarráðinu
Björgunarsveitir kallaðar út í nótt
Var að slitna frá bryggju sökum hvassviðris