Velgengni þáttaraðarinnar Ófærð hefur eflaust ekki farið fram hjá mörgum, en þáttunum hefur verið vel tekið á erlendri grundu.

Jákvæðar umsagnir hafa verið birtar í fjölmörgum dagblöðum og tímaritum, en nýlega bættist enn ein rósin í hnappagatið þegar Ellie Violet Bramley birti lofsamlegan pistil á The Guardian.

Bramley lýsir þáttunum sem samkrulli af Agöthu Christey og norrænum rökkurmyndum og bendir jafnframt á að landslagið sé sér kapítuli út af fyrir sig. Þá fór síður en svo fram hjá henni að Andri, sem leikinn er af Ólafi Darra Ólafssyni, rennir aldrei upp úlpunni sinni eins og vakti mikla furðu hérlendis.

„Ólafsson leikur Andra af mikilli næmi, sér í lagi sé litið til þess að hann er maður sem hressir sig við með því að nudda snjó framan í skeggvaxið andlitið. Hvað er eiginlega að kaffi? Og hvers vegna rennir hann aldrei upp úlpunni sinni? Jafnvel þótt úti sé stórhríð og grýlukerti dingli neðan úr skegginu á honum virðir hann rennilásinn að vettugi.“

Bramley bendir jafnframt á að það sé eitthvað sér-íslenskt við Ófærð, enda spili náttúran svo stóra rullu í þáttunum.

„Það sem greinir Ófærð frá öðrum norrænum sakamálaþáttum er innilokunarkenndin sem fylgir hinu öfgafulla magni af snjó.“

Ingvar E. Sigurðsson, Ólafur Darri og Ilmur Kristjánsdóttir. Stilla úr Ófærð

Tengdar fréttir

Sjónvarpsþátturinn Ófærð

Tökur á Ófærð 3 að hefjast á Siglufirði

• Lokaþættinum vel tekið á Twitter
• Biðst afsökunar „á þessu með Ásgeir“
• The Guardian lofar Ófærð 2
• Ebo í Ófærð 2 fannst í Noregi

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: Munið þið eftir hrafninum sem flaug?