Krúnuleikaaðdáendur fengu hland fyrir hjartað
Setja bókamerki
Fréttir af dauða George Martin, upptökustjóra Bítlanna, skutu skelfingu í brjóst æstra aðdáenda bókanna og þáttaraðarinnar Krúnuleikanna (e. Game of Thrones). Rann þeim kalt vatn milli skinns og hörunds þegar þeir héldu að George R.R. Martin, höfundur sagnaheimsins, væri látinn.
Herra George Martin, upptökustjórinn sem tók upp nær allar helstu plötur Bítlanna, lést í gær níræður að aldri og hafa fjölmiðlar um allan heim greint frá andláti hans í dag. Nafni hans sem skóp sagnaheim Krúnuleikanna hefur verið í óðaönn við að ljúka sjöttu bókinni, „Vetrarvindarnir“ og því brá mörgum aðdáendum bókanna og þáttanna þegar þeir opnuðu fjölmiðla í morgun.
Margir þeirra lýstu tilfinningarússíbananum sem þeir gengu í gegnum á samfélagsmiðlinum Twitter. Sumir sögðust jafnvel hafa fengið „smáhjartaáfall“ þegar þeir lásu tíðindin. Létti þeim stórum þegar þeim varð ljóst að það hefði aðeins verið nafntogaður nafni rithöfundarins sem var farinn yfir móðuna miklu.
That mini heart attack when you thought "George RR Martin" is dead! :O
— Mark Felix (@felixababa) March 9, 2016
Frétt Independent af óttaslegnum Krúnuleikaaðdáendum
Skjálftahrina sem mun fjara út
Úgönguspá: Stórsigur Verkamannaflokksins
Göngumaðurinn fundinn
„Ekkert fullorðið fólk myndi sætta sig við þetta“
/frimg/1/50/27/1502771.jpg)
Alvarlegt umferðarslys nálægt Gígjukvísl
Stórmerkilegar kosningar að baki og Farage á þing
Starmer verður næsti forsætisráðherra Breta