Bróðir poppsöngkonunnar Mariuh Carey var ekkert að skafa utan af því þegar hann lýsti yngri systur sinni sem illa innrættri norn á dögunum.
Morgan Carey heldur því fram að söngkonan neiti að greiða lækniskostnað HIV-smitaðrar systur þeirra, sem þarf að gangast undir skurðaðgerð á næstu dögum.
„Hún eyðir líklega meira í hundafóður heldur en hún þyrfti að borga til að systir hennar fengi almennilega umönnun“ sagði Carey í samtali við dagblaðið The Sun.
„Alison hefur margoft, í algerri örvæntingu, reynt að ná tali af Mariuh. Hún svarar þó aldrei.“
Söngkonan trúlofaðist auðkýfingnum James Packer á dögunum eins og frægt er orðið, en hann gaf henni 35 karata demantshring.
Frétt mbl.is: Skipuleggur íburðarmikið brúðkaup
Frétt mbl.is: Fékk 35 karata demantshring