Hulunni var lyft af söguþræði nýrrar Stjörnustríðsmyndar sem frumsýnd verður í desember í dag þegar fyrsta stiklan úr „Rogue One: A Star Wars Story“ var birt opinberlega. Í henni segir frá ævintýrum utangarðskonu sem gerist njósnari fyrir uppreisnarmennina.

Með aðalhlutverk í myndinni fara þau Felicity Jones, Mads Mikkelsen og Forest Whitaker en leikstjóri er Gareth Edwards. Jones fer með hlutverk vandræðagemlingsins Jyn Erso sem uppreisnarmennirnir fá til liðs við sig sem orrustuflugmann og njósnara sem er ætlað að stela teikningum að fyrsta Helstirninu.

Atburðir myndarinnar eiga að gerast eftir að þriðja kafla Stjörnustríðsbálksins lýkur en áður en sá fjórði hefst þar sem Logi geimgengill og félagar koma fyrst við sögu.

Áætlað er að myndin verði frumsýnd 16. desember á þessu ári.

Tengdar fréttir

Stjörnustríð

Mannaveiðarinn seldist á ríflega milljón dali

• Hefur sett Loga Geimgengil á hilluna
• Tvær nætur á 750 þúsund á Stjörnustríðshóteli
• Stjörnuprinsessan sem fæddist fræg
• Ísland í nýrri Star Wars-stiklu

» Fleiri tengdar fréttir

• Blogga um frétt