Mæðginin virðast hafa grafið stríðsöxina

Forræðisdeila Madonnu og fyrrverandi eiginmanns hennar, Guy Ritchie, virðist þokast í rétta átt en söngkonan flaug nýverið til London til þess að finna farsæla lausn á vandanum.

Frétt mbl.is: Madonna reynir að greiða úr flækjunni

Sonur söngkonunnar, hinn 15 ára Rocco Ritchie, yfirgaf heimili móður sinnar á síðasta ári og lýsti því yfir að hann vildi fremur búa hjá föður sínum og eiginkonu hans í London heldur en að snúa aftur til móður sinnar sem búsett er í New York.

Foreldrar piltsins deildu harkalega um hagi piltsins, og fengu í kjölfarið skömm í hattinn frá dómara sem sagði á deiluna hafa tekið mikið á piltinn.

Frétt mbl.is: Hvetur Madonnu og Ritchie til sátta

Madonna og Ritchie virðast hafa tekið orð dómarans til sín því söngkonan sást spóka sig með syninum í gær. Ekki var annað að sjá en að vel færi á með mæðginunum, sem meðal annars skelltu sér í bíó líkt og fram kemur í frétt Daily Mail.  

• Blogga um frétt