Vann í 154 klukkustundir fyrir andlátið
Setja bókamerki
Tónlistarmaðurinn Prince hafði unnið í 154 klukkustundir án hvíldar dagana áður en hann fannst látinn í húsi sínu í Paisley Park í Minnesota. Þetta kemur fram í frétt Sky-sjónvarsstöðvarinnar.
Prince sást síðast á lífi 12 klukkustundum áður en hann fannst látinn í lyftu. Það voru starfsmenn hans sem fundu hann eftir að hafa reynt árangurslaust að ná sambandi við hann í síma.
Mágur hans, Maurice Phillips, heldur því fram að Prince hafi unnið í sex daga samfellt áður en hann dó. Þetta sagði hann í kjölfar minningarathafnar sem fjölskyldan hélt að heimili Prince. „Ég var með honum síðustu helgi. Hann var góður mágur,“ segir Phillips.
Hann segir að heimili Prince verði nú breytt í safn. „Safnið yrði fyrir aðdáendur hans. Hann gerði allt fyrir aðdáendur sína.“
Enn er ekki ljóst hver dánarorsök Prince var. Hann var krufinn síðasta föstudag en talið er að niðurstaðan liggi ekki fyrir fyrr en eftir nokkrar vikur. Engir áverkar sáust á líkinu.
„Höfum sloppið bærilega með skaða af þessu gosi“
Rússar sagðir útvega N-Kóreu milljón olíutunnur
Hraun kemur úr þremur gígum: Virknin stöðug
Reiðubúin að aflýsa verkföllum í fjórum leikskólum
Hótar Bretum og Bandaríkjamönnum
Sólveig Anna furðar sig á aðferðum kennara
/frimg/1/53/8/1530849.jpg)
Fatlaður drengur fær ekki þjónustu í verkfalli
Viðræður ekkert þokast frá því á þriðjudag
