Morfínlyf fundust á Prince
Setja bókamerki
Verkjastillandi morfínlyf fundust á tónlistarmanninum Prince og á heimili hans í Minnesota. Þetta segja yfirvöld sem rannsaka andlát hans. Prince lést fyrir viku síðan og hefur meðal annars komið fram að hann hafi unnið samfleytt í um sex sólarhringa fyrir andlátið.
Töflurnar sem fundust á Prince eru algengar sem verkjastillandi lyf, en rannsóknarteymið sem skoðar mál hans hefur óskað eftir aðstoð sérfræðinga frá lyfjastofnun Bandaríkjanna til að skoða málið nánar. Frá þessu er sagt í frétt CNN.
Fyrr í mánuðinum þurfti einkaþota tónlistarmannsins að nauðlenda vegna veikinda hans og var hann fluttur í skyndi á sjúkrahús. Þaðan var hann þó fljótt útskrifaður. Telja rannsakendur að verkjalyfin tengist því tilfelli, en dauði hans er nú rannsakaður sem hugsanleg afleiðing af of stórs skammts af lyfjunum.
Hentugt gos fyrst gýs á annað borð
Hópur fólks reyndi að komast að eldgosinu
Sjötti ferðamaðurinn er látinn
Viðræður ekkert þokast frá því á þriðjudag
Rússar sagðir útvega N-Kóreu milljón olíutunnur
Hraun kemur úr þremur gígum: Virknin stöðug
Fullvissa ferðamenn um að hér sé öruggt
