Dolly Parton upp að altarinu
Setja bókamerki
Dolly Parton kann vel að meta sviðsljósið, en það gerir eiginmaður hennar ekki. Parton sem á næstunni fagnar 50 ára brúðkaupsafmæli með eiginmanninum, Carl Dean, sannfærði þó betri helminginn til að fagna áfanganum með sérlega opinberum hætti.
„Við ætlum að gifta okkur aftur. Ég ætla að klæðast fallegum brúðarkjól vegna þess að ég var ekki í glæsilegum, síðum brúðarkjól þegar við giftum okkur. Við erum einnig með jakkaföt á hann, þannig að við ætlum að klæða okkur upp og taka fullt af myndum,“ sagði söngkonan í samtali við tímaritið People.
Parton furðar sig á að eiginmaðurinn hafi látið hafa sig út í herlegheitin, enda sé hann sérlega hlédrægur.
„Maðurinn minn er einfari. Hann kærir sig eiginlega ekki um að vera í kringum neinn nema mig. Hann hefur alltaf beðið mig að halda sér utan við sviðsljósið því honum líkar ekki allt húllumhæið,“ játaði Parton, en bætti þó við að hann hefði alltaf sýnt henni stuðning.
„Hann er líkt og bróðir minn, faðir, vinur, eiginmaður og elskhugi. Ég held hann sé nokkuð stoltur að við höfum verið saman þetta lengi.“
Fyrsti blaðamannafundurinn í heild sinni
„Þetta er ríkisstjórn almannahagsmuna“
Alvarleg netárás á Wise
„Börn heima sem maður myndi vilja hafa í skjóli“
„Mér finnst gamla Samfylkingin komin aftur“
Barn lést í árásinni
Funda með þingflokkum
