Leikkonan Heiða Rún Sigurðardóttir, eða Heida Reed líkt og hún er einnig kölluð, er að gera það gott í Bretlandi. Líkt og margir vita fer hún með hlutverk þáttunum Poldark, þar sem hún leikur Elizabeth Chenoweth.
Þættirnir hafa verið gríðarlega vinsælir, en í gær hlutu þeir aðdáendaverðlaun á BAFTA-sjónvarpsverðlaununum sem fram fóru í London.
Heiða Rún tók á móti verðlaununum, ásamt meðleikurum hennar Eleanor Tomlinson og Aidan Turner líkt og sjá má á umfjöllun Daily Mail.