Kvikmyndastjarnan Johnny Depp er sögð standa í skilnaði við eiginkonu sína Amber Heard. Parið gifti sig fyrir fimmtán mánuðum en Heard hefur nú sótt um skilnað. Í dómsskjölum kemur fram að hún vísi til „ósættanlegs ágreinings“.

Depp og Heard kynntust við tökur á myndinni „Rommdagbókin“ árið 2011. Tuttugu og tveggja ára aldursmunur er á þeim. Depp er 52 ára en Heard er þrítug. Í dómsskjölum í tengslum við skilnaðinn kemur fram að þau hafi skilið að skiptum á sunnudag.

Skammt er síðan þau hjónin komu fyrir dómstóla. Heard lýsti sig seka um skjalafals í apríl eftir að hún hafði orðið uppvís að því að koma ólöglega til Ástralíu með tvo hunda.

Frétt BBC

Tengdar fréttir

Johnny Depp sakaður um ofbeldi

„Viðbjóðslega illa skrifaður skáldskapur“

• Amber Heard snýr aftur í Aquaman 2
• Depp gefi milljónina
• Heard og Depp ná dómssátt
• Í ástarsambandi með lögmanni sínum

» Fleiri tengdar fréttir

• Blogga um frétt