Hafþór Júlíus nánast óþekkjanlegur

Hafþór Júlíus Björnsson sem margir þekkja undir nafninu Fjallið er þekktur kraftlyftingamaður og leikari. En áður en hann hóf feril sinn í kraftlyftingum spilaði Hafþór Júlíus með meistaraflokki KR í körfubolta.

The Telegraph fjallar um þær breytingar sem Hafþór Júlíus hefur tekið síðan hann var 17 ára árið 2006. Sjálfur sagði Hafþór Júlíus í viðtali við GQ að hann hefði hætt í körfuboltanum vegna meiðsla. „Ég var alltaf að meiða mig, slasaðist illa á ökkla og fór í aðgerð. Í seinna skiptið sem ég þurfti að fara í aðgerð ákvað ég að taka mér pásu frá þessu.“

Hér má sjá ljósmyndina sem The Telegraph birti af Hafþóri Júlíus er hann lék með KR. Ljósmynd/Knattspyrnufélag Reykjavíkur

Með tímanum fór Hafþór Júlíus að geta lyft meiri þyngdum. „Ég varð ástfanginn af kraftlyftingum og sá strax árangur.“

Í grein The Telegraph er einnig farið ítarlega yfir mataræði Hafþórs Júlíusar en hann borðar um 11.489 kaloríur á dag. 

Ástríkur, smáhundur Hafþórs Júlíusar, vakti athygli erlendra miðla fyrir skömmu en hundurinn er með um 21.100 fylgjendur á samfélagsmiðlinum Instagram.

Frétt mbl.is - Smáhundur Hafþórs slær í gegn

• Blogga um frétt