Nýja plata hljómsveitarinnar Kaleo fór beint í 15 sæti á Billboard-listanum en platan A/B er fyrsta plata sveitarinnar sem gefin er út á erlendum markaði. Þetta kemur fram í tilkynningu frá Senu.

Þar segir að fyrstu helgina eftir útgáfu náði platan að komast hátt á vinsældarlista úti um allan heim. Nú gengur fyrsta vika plötunnar á Billboard í garð og hoppaði hún beint í 15 sætið af 200. 

A/B er önnur breiðskífan sem Kaleo gefur út á Íslandi en er frumraun þeirra á erlendum markaði. Sveitin hefur náð vinsældum vestanhafs undanfarna mánuði og voru þeir nýverið á lista tímaritsins Rolling Stone yfir „10 nýjar hljómsveitir sem þú þarft að þekkja“ og spiluðu í þætti Conan O'Brien. Þá hefur sveitin undanfarið spilað á uppseldum tónleikaferðalögum í Bandaríkjunum og Ástralíu og komið fram á mörgum af stærstu tónlistarhátíðum heims.

Mbl.is heimsótti Kaleo til Bandaríkjanna á dögunum og fylgdist með þeim á tónleikum í Portland.

Tengdar fréttir

Kaleo

Tónleikum aflýst af heilsufarsástæðum

• Kaleo náði toppsæti Billboard
• Kaleo með söluhæstu plötuna
• Spennandi tímar hjá Kaleo
• Á góðri leið með að meika það

» Fleiri tengdar fréttir

• Blogga um frétt