Dagblaðið The Guardian hefur sett saman lista yfir bestu sjónvarpsþætti ársins, en athygli vekur að hinn íslenski þáttur Ófærð rataði á listann.

Ófærð er svo sannarlega í góðra vina hópi, enda deilir hann sæti á listanum með þáttum líkt og Game of Thrones, Better Call Saul, The Good Wife, Happy Valley, The Night Manager, Peaky Blinders, Unbreakable Kimmy Schmidt og The People V OJ Simpson.

„Ófærð deilir vissulega ákveðnum einkennum með skandínavískum frændum sínum, en þetta er þó ekki einvörðungu eftirlíking. Það að þættirnir gerist á afviknum stað, sem lokast hefur af vegna veðurs, bætir við nýrri vídd – algerri innilokunarkennd,“ segir meðal annars í dómnum um þættina sem nutu talsverðra vinsælda á erlendri grundu.

Listann í heild sinni má sjá hér.

Tengdar fréttir

Sjónvarpsþátturinn Ófærð

Tökur á Ófærð 3 að hefjast á Siglufirði

• Lokaþættinum vel tekið á Twitter
• Biðst afsökunar „á þessu með Ásgeir“
• The Guardian lofar Ófærð 2
• Ebo í Ófærð 2 fannst í Noregi

» Fleiri tengdar fréttir

• Blogga um frétt