Kunis tjáir sig um sambandið við Kutcher

Leikkonan Mila Kunis opnaði sig um samband sitt og Ashton Kutcher á dögunum. Í viðtalinu sagði hún frá því hvernig það hafi verið að fara úr því að vera bestu vinir yfir í það að verða hjón. Parið gifti sig á síðasta ári eftir fæðingu frumburðar þeirra. Kunis er nú ólétt af barni númer tvö.

Hjónakornin kynntust fyrst þegar Kunis var aðeins fimmtán ára gömul og Kutcher tuttugu og eins árs þegar þau léku saman í gamanþáttunum That ´70s Show.

Í viðtalinu við Glamour segist Kunis einfaldlega ekki geta logið að Kutcher. „Við þekkjum hvort annað svo vel að við sjáum þegar annað hvort okkar er að leika.“

• Blogga um frétt