Bandaríski kvikmyndaleikarinn Johnny Depp og fyrrverandi eiginkona hans Amber Heard hafa komist að samkomulagi utan dómstóla um skilnað þeirra í kjölfar þess að Heard dró til baka ásakanir í garð Depps um að hann hefði beitt hana líkamlegu ofbeldi.

Hjónin fyrrverandi tilkynntu þetta í dag samkvæmt frétt AFP. Heard féll einnig frá því að framlengja nálgunarbann sem hún hafði fengið á Depp. Fram kemur í sameiginlegri yfirlýsingu þeirra að 18 mánaða hjónaband þeirra hafi verið mjög tilfinningaríkt og á tímum sveiflukennt en hafi engu að síður alltaf verið byggt á kærleika.

Hvorugt þeirra hafi sett fram rangar ásakanir í hagnaðarskyni. Aldrei hafi verið ætlunin að valda líkamlegu eða andlegu tjóni. Heard óski Depp alls hins besta í framtíðinni. Samkomulag er um að Depp greiði Heard 7 milljónir bandaríkjadala. 

Tengdar fréttir

Johnny Depp sakaður um ofbeldi

„Viðbjóðslega illa skrifaður skáldskapur“

• Amber Heard snýr aftur í Aquaman 2
• Depp gefi milljónina
• Heard og Depp ná dómssátt
• Í ástarsambandi með lögmanni sínum

» Fleiri tengdar fréttir

• Blogga um frétt