Tónlistargoðsögnin David Bowie lést í janúar eftir leynilega baráttu við krabbamein.

Samkvæmt frétt Mirror hefur hluta af ösku hans nú verið dreift, en nánasta fjölskylda hans og vinir eru sögð hafa komið saman á Burning Man-hátíðinni í Nevada.

„Við spiluðum tónlistina hans alla leiðina frá búðunum og til baka að musterinu. Flest höfðum við málað eldingu á andlit okkar honum til heiðurs,“ er haft eftir ónefndum heimildarmanni.

Talsmaður fjölskyldu söngvarans neitar þó orðrómnum og segir ösku Bowies ekki hafa verið dreift á hátíðinni.

Sögusagnirnar komust fyrst á kreik eftir að gestur hátíðarinnar, Mark Milhaly, skrifaði um atburðinn á bloggsíðu sinni.

„Það er engum blöðum um það að fletta að þetta er satt. Ég hef talað við fjölmarga sem voru viðstaddir og hef séð ljósmyndir sem mér er ekki heimilt að deila. Þetta átti víst að vera afar persónulegur atburður,“ sagði Milhaly í samtali við Mirror.

Tengdar fréttir

David Bowie látinn

Sjálfsþekkingin er grunnurinn

• Sjáðu tveggja milljarða íbúð Davids Bowies
• Bowie með tvenn Brit-verðlaun
• Nýtt efni frá David Bowie
• Fékk tíðindin 3 mánuðum fyrir andlát

» Fleiri tengdar fréttir

• Blogga um frétt