Rapparinn Kanye West segist ekki hafa kosið í nýafstöðnum forsetakosningum í Bandaríkjunum, sem þýðir ekki að hann hafði ekki gert upp hug sinn.
Rapparinn lét móðan mása á tónleikum sínum um daginn, en samkvæmt frétt Mirror tautaði hann í 40 mínútur um stjórnmál. Þá er því ennfremur haldið fram að West hafi þurft að sleppa því að flytja allnokkur lög, enda hafi ræðan tekið tímann sinn.
„Ég sagði ykkur að ég hefði ekki kosið, en ef ég hefði kosið þá hefði ég kosið Trump. Þetta er minn vettvangur og ég ætla að tala um hugarfarsbreytinguna sem er að eiga sér stað núna.“
Óánægður tónleikagestur er sagður hafa hent skó í rapparann eftir játninguna, en sjónarvottar segja að West hafi í kjölfarið áritað skóinn og hent aftur út í þvöguna.