Leikkonan Carrie Fisher, sem fékk hjartaáfall um borð í flugvél í gær, er enn á gjörgæslu á sjúkrahúsi í Los Angeles. Þetta staðfestir bróðir hennar í samtali við CNN fréttastofuna.

Fisher var í flugvél á leið frá London Til Los Angeles er hún veiktist. Vélin var þá að nálgast Los Angeles. Er hún lenti var Fisher flutt með hraði á sjúkrahús.

Fisher er sextug. Hún er þekktust fyrir hlutverk Lilju prinsessu í fyrstu Stjörnustríðsmyndunum. 

Fisher var í London við tökur á nýrri þáttaröð þáttanna Catastrophe. Hún er dóttir skemmtikraftanna Debbie Reynolds og Eddie Fisher og fædd í Beverly Hills. Fyrsta kvikmyndahlutverkið var í myndinni Shampoo árið 1975.

Tengdar fréttir

Carrie Fisher og Debbie Reynolds látnar

Fisher glímdi við kæfisvefn

• Næsta mynd sú síðasta sem Leia birtist í
• Duftker Fisher risavaxin Prozac-tafla
• Heiðruðu minningu Carrie Fisher og Debbie Reynolds
• Líkamsleifar Fisher voru brenndar

» Fleiri tengdar fréttir

• Blogga um frétt