Fjölskylda Michael „djúpt snortin“
Setja bókamerki
Fjölskylda popparans sáluga George Michael segist vera „djúpt snortin“ vegna þeirra sem hafa minnst hans með því að leggja blómvendi, kerti, blöðrur og annað fyrir fyrir utan heimilin sem hann átti.
„Fjölskyldan og nánir vinir George hafa verið afar djúpt snortin vegna ótrúlega mikillar ástúðar í hans garð á þeim klukkustundum og dögum sem hafa liðið frá dauða hans,“ sagði upplýsingafulltrúi fjölskyldunnar í yfirlýsingu.
„Þvert á sumar fregnir þá var ekkert grunsamlegt við dauða hans og við þökkum innilega þeim sem hafa, réttilega, kosið að fagna lífi hans og arfleið," sagði í yfirlýsingunni.
Kærasti Michael, Fadi Fawaz, fann hann látinn á jóladag þegar hann ætlaði að vekja hann fyrir hádegisverð.
„Ég fór þangað til að vekja hann en hann var bara farinn og lá friðsamlega í rúminu,“ sagði Fawaz í samtali við Daily Telegraph.
„Hlutirnir höfðu verið mjög flóknir undanfarið en George hlakkaði til jólanna og ég líka. Núna er allt ónýtt,“ sagði Fawaz.
Ryðja strax hindrunum úr vegi
„Þetta er auðvitað í höndum kennara núna“
Pelicot yfirheyrður vegna óupplýstra mála
Húsinu verði fundinn annar staður
Fuglainflúensa greindist í ref
Íþróttafélög fara á hausinn
Alvarlegt flugumferðaratvik: Enski boltinn truflaði
Ráðherrar eigi ekki að ýja að ítökum innan lögreglu