Leikarinn Steve Martin hefur eytt Twitter færslu sem hann birti upphaflega í gær í kjölfar andláts Carrie Fisher. Í færslunni stóð: Þegar ég var ungur maður fannst mér Carrie Fisher vera fallegasta kona sem ég hafði séð. Síðan kom í ljós að hún var einnig hnyttin og gáfuð.

Allt ætlaði um koll að keyra í kjölfari færslunnar og birti tímaritið New York Magazine færslu þar sem Carrie Fisher ætti að vera hampað fyrir allt annað en útlit sitt. Aðrir hafa bent á að færsla Martin var einlæg og lýsandi. Fisher hafi fyrst birst áhorfendum sem hin íðilfagra prinsessa Lea í Störnustríðsmyndunum og ófáir ungir drengir látið sig dreyma um slíkan kvenkost.

Síðar hafi hún stigið fram sem ötull baráttumaður fyrir geðheilbrigði, barist gegn ungæðisdýrkun í Hollywood, verið opinská með eigin baráttu við geðsjúkdóma og fíkn, svo að fátt eitt sé nefnt. 

Martin hefur eytt færslunni og hefur neitað að tjá sig um málið. 

Svar New York Magazine við ummælum Martin. Skjáskot/NewYorkMagazine-Twitter

Steve Martin. AFP

Tengdar fréttir

Carrie Fisher og Debbie Reynolds látnar

Fisher glímdi við kæfisvefn

• Næsta mynd sú síðasta sem Leia birtist í
• Duftker Fisher risavaxin Prozac-tafla
• Heiðruðu minningu Carrie Fisher og Debbie Reynolds
• Líkamsleifar Fisher voru brenndar

» Fleiri tengdar fréttir

• Blogga um frétt