Kærasti Michael segir að brotist hafi verið inn á Twitter-reikning hans eftir að fjöldi skilaboða birtist þar sem því er haldið fram að Michael hafi viljað deyja, hafi margoft reynt að fyrirfara sér og það hafi loks tekist.

Skilaboðin voru fern talsins og komu á tveggja mínútna millibili. Búið er að eyða þeim en Fawaz heldur því fram að brotist hafi verið inn á reikninginn hans og óprúttnir aðilar hafi sent skilaboðin.

Verið er að bíða eftir niðurstöðum rannsókna til að kanna áfengis- og eiturlyfjamagn í Michael en hefðbundin krufning reyndist ófullnægjandi.

Nóttina sem Michael lést svaf Fawaz úti í bíl. Segist hann hafa sofnað þar og það hafi því ekki verið fyrr en morguninn eftir að hann fann Michael sem var látinn.

Fawaz segist vera í góðum samskiptum við lögregluna og sé að aðstoða við rannsókn málsins eins og framast sé unnt.

Skjáskot af skilaboðunum sem Fawaz sendi frá sér. Þeim hefur verið eytt út af reikningi hans. Twitter/Fadi Fawaz

Tengdar fréttir

George Michael

Kærastinn fær ekki að koma í jarðarförina

• Michael lést af náttúrulegum orsökum
• Blöskrar að símtalinu hafi verið lekið
• Telur dóp tengjast dauða Michaels
• Of stór skammtur líklegasta dánarorsökin

» Fleiri tengdar fréttir

• Blogga um frétt