Fjölmennt var á minningarathöfn leikkvennanna Carrie Fisher og Debbie Reynolds, sem fram fór í gær. Fjölmargir kollegar kvennanna voru samankomnir til að votta mæðgunum virðingu sína, en þær létust báðar í síðustu viku.

Samkvæmt frétt Daily Mail fer útför kvennanna fram í dag í Forest Lawn-kirkjugarðinum í Hollywood. Áður hefur verið greint frá því að líkamsleifar Carrie Fisher hafi verið brenndar, en hluti af ösku hennar verður greftraður með móður hennar.

Meðal gesta í minningarathöfninni voru Meryl Streep, Gwyneth Paltrow, Ellen Barkin, Meg Ryan George Lucas, Stephen Fry og Jamie Lee Curtis.

Gary, hundur Fisher var á svæðinu, en dóttir leikkonunnar tók hann að sér. Ljósmynd / skjáskot Daily Mail

Tengdar fréttir

Carrie Fisher og Debbie Reynolds látnar

Fisher glímdi við kæfisvefn

• Næsta mynd sú síðasta sem Leia birtist í
• Duftker Fisher risavaxin Prozac-tafla
• Líkamsleifar Fisher voru brenndar
• Munu hvíla hlið við hlið

» Fleiri tengdar fréttir

• Blogga um frétt