„Þetta er klikkaður munur“

„Ashton Kutcher fékk þrisvar sinnum hærri laun en ég í þeirri mynd. Ég vissi af því en þetta er staðan í Hollywood,“ sagði Portman.

Portman útskýrði að staðan væri sú að Kutcher hefði fengið þrisvar sinnum meira borgað vegna þess að hann væri talinn þrisvar sinnum verðmætari.

„Ég var ekki jafnpirruð og ég hefði kannski átt að vera,“ sagði Portman.

„Við fáum mjög góð laun og það er því erfitt að kvarta en þetta er klikkaður munur. Konur þéna almennt um það bil 80 sent á sama tíma og karlar þéna dollara. Í Hollywood eru þetta hins vegar 30 sent á móti hverjum dollara,“ bætti Portman við.