Samkvæmt frétt Sky lenti Justin Bieber í útistöðum við þrjá karlmenn á skemmtistaðnum Serafina Sunset aðfaranótt sunnudags.

Lögreglustjóri í Los Angeles hefur greint frá því að fyllt hafi verið út skýrsla, þar sem Bieber er sakaður um að hafa veist að mönnunum þremur en hann er einnig sagður hafa skallað einn þeirra í andlitið.

„Vitni segir að það hafi stíað mönnunum í sundur og beðið Bieber að yfirgefa svæðið. Bieber neitaði að fara og hélt kyrru fyrir á veitingastaðnum.“

„Vitnið heldur því fram að nokkrum mínútum síðar hafi Bieber sést rífast við gest á staðnum, söngvarinn hafi síðan skyndilega skallað manninn.“

Þetta er ekki í fyrsta sinn sem árásargirni söngvarans kemst í fréttirnar, en í vikunni bárust fregnir af því að Bieber sætti lögreglurannsókn fyrir líkamsárás sem á að hafa átt sér stað á síðasta ári. Þá náðist myndband af honum í fyrra þar sem hann sést kýla aðdáanda sinn í andlitið, með þeim afleiðingum að vör hans sprakk.

Frétt mbl.is: Bieber sakaður um líkamsárás

Frétt mbl.is: Bieber kýldi aðdáanda

Tengdar fréttir

Justin Bieber

Á erfiðum stað andlega

• Eru heitustu hjónin í Hollywood að skilja?
• Gagnrýnir hatur og hótanir í garð Hailey Bieber
• Bieber aflýsir aftur tónleikum
• Þess vegna elskar Mariah Carey jólin

» Fleiri tengdar fréttir

• Blogga um frétt