Tón­list­armaður­inn sál­ugi, Dav­id Bowie, átti bestu bresku plöt­una og var kjör­inn besti breski sóló­tón­list­armaður­inn á Brit-verðlauna­hátíðinni sem var hald­in í kvöld.

Bowie varð þar með fyrsti tón­list­armaður­inn til að hljóta Brit-verðlaun eft­ir dauða sinn. 

Bowie, sem lést í janú­ar 2016, varð hlut­skarp­ari en Craig Dav­id, Michael Kiw­anuka, Kano og Skepta sem voru einnig til­nefnd­ir í síðar­nefnda flokkn­um.  

Robbie Williams tók lagið á hátíðinni í kvöld. AFP

Í fyrr­nefnda flokkn­um voru einnig til­nefnd­ar plöt­ur frá The 1975, Kano, Michael Kiw­anuka og Skepta.

Fyrr í mánuðinum hlaut síðasta plata Bowie, Blackst­ar, fimm Grammy-verðlaun.

Ed Sheer­an og Stormzy. AFP

Besta breska sóló­tón­list­ar­kon­an var kjör­in Emeli Sande, sem skaust á stjörnu­him­in­inn með tón­leik­um sín­um á Ólymp­íu­leik­un­um í London.

Einnig voru til­nefnd­ar Anohni, Ellie Gould­ing, Li­anne La havas og Nao.

Little Mix fékk verðlaun fyr­ir bestu bresku smá­skíf­una, Shout Out To My Ex. AFP

Besta breska hljóm­sveit­in var kjör­in The 1975, sem kem­ur frá borg­inni Manchester. Aðrar til­nefnd­ar voru Radi­ohead, Bif­fy Cl­yro, Bastille og Little Mix.

Rag´N´Bone Man var kjör­inn besti nýliðinn en þar voru Stormzy og Skepta einnig til­nefnd­ir.

Emeli Sande. AFP

Ann­ars lát­ins tón­list­ar­manns, Geor­ge Michael, var minnst á hátíðinni. Hann lést á jóla­dag, 53 ára.

Fyrr­ver­andi fé­lagi hans úr Wham!, Andrew Ridgeley, steig á svið ásamt dúó­inu Pepsi & Shir­lie.

Tengd­ar frétt­ir

Dav­id Bowie lát­inn

Sjálfsþekk­ing­in er grunn­ur­inn

• Sjáðu tveggja millj­arða íbúð Dav­ids Bowies
• Nýtt efni frá Dav­id Bowie
• Fékk tíðind­in 3 mánuðum fyr­ir and­lát
• Tón­list­ar­menn sem kvöddu á ár­inu

» Fleiri tengd­ar frétt­ir

• Blogga um frétt