Lokakvöld undanúrslita
Mynd 1 af 8
Dagbjartur Daði Jónsson notar listamannsnafnið Bjartr sem rappari. Hann er nítján ára gamall og hefur fengis við músík í tvö ár, fyrst sem taktsmiður, en síðan líka sem söngvari og rappari.
Mynd 2 af 8
Rappfélagarnir í Ctrl Alt Délítan segjast vera í fjórðu besta rappgrúpu Hafnarfjarðar. Viktor Ingi Guðmundsson sýslar með tölvu og syngur, Páll Sigurður Sigurðsson rappar og Dagur Sigurður Úlfarsson geir fátt. Þeir eru 22 til 24 ára.
Mynd 3 af 8
Skagapiltarnir í John Doe, Sævar Snorrason, Höskuldur Heiðar Höskuldsson, Arnar Freyr Sævarsson og Guðjón Jósef Baldursson spila blússprengt hart rokk. Þeir skipta þannig með sér verkum að Sævar leikur á gítar og syngur, Höskuldur á bassa, Arnar á gítar og Guðjón á trommur. Þeir eru á aldrinum 21 til 23 ára og hafa verið að í hálft annað ár..
Mynd 4 af 8
Meistarar dauðans eru Ásþór Loki Rúnarsson gítarleikari og söngvari, Þórarinn Þeyr Rúnarsson trommuleikari, Albert Elías Arason bassaleikari, Svavar Hrafn Ágústsson saxófónleikari og hljómborðsleikararnir Kári og Freyr Hlynssynir. Þeir spila þungarokk og eru á aldrinum 13 til 18 ára.
Mynd 5 af 8
Hljómsveitina Omotrack skipa bræðurnir Markús og Birkir Bjarnasynir, Gríma Katrín Ólafsdóttir, Gunnar Kristinn Óskarsson, Steinn Völundur Halldórsson og Svavar Hrafn Ágústsson. Markús spilar á gítar og syngur, Birkir á hljómborð og syngur líka, Gríma og Gunnar á trompeta, Steinn á básúnu og Svavar á saxófón. Þau eru á aldrinum 18 til 22 ára og lýsa músíkinni sem electro-indie-funk-blöndu.
Mynd 6 af 8
Sólbjört er glæný sveit úr Reykjavík sem skipuð er þeim Hönnu Sólbjört Ólafsdóttur, sem syngur og leikur á gítar, Gabríel Erni Ólafssyni, sem leikur á hljómborð, Gunnari Ágústssyni, sem leikur á bassa, og Svanhildi Lóu Bergsveinsdóttur, sem leikur á trommur. Þau lýsa tónlistinni sem bláslegnum indie-folktóum.
Mynd 7 af 8
SæKó er sólóverkefni Sævar Helgi Jóhannsson sem hann kynnir með hjálp góðra vina. Sævar Helgi Jóhannsson syngur og leikur á hljómborð, trommuheila og hljóðgervil, Herdís Mjöll Guðmundsdóttir og Sólrún Ylfa Ingimarsdóttir á fiðlur, Sigrún Mary McCormick á lágfiðlu og Arnar Ingólfsson á hljóðgervil. Sævar er 23 ára, Herdís 19 ára, Sólrún og Sigrún 20 ára og Arnar er 24 ára. Þeir Sævar og Arnar hafa verið saman í mörgum hljómsveitum en strengjaleikararnir eru úr Listaháskólanum.
Mynd 8 af 8
Reykvíski kvintettinn The Urban Crickets varð til haustið 2015 og er nú skipaður þeim Fannari Pálssyni gírtarleikara, Magnúsi Adda Ólafssyni bassaleikara, Guðmundi Kristni Haraldssyni trommuleikara, Hektor Ingólfi Hallgrímssyni gítarleikara og söngkonunni Alexöndru Ýrr Ford. Fannar er 21 árs, Magnús 29 ára, Guðmundur 24 ára, Hektor 25 ára og Alexandra 23 ára.
Setja bókamerki
Lokakvöld undanúrslita
Undankeppni Músíktilrauna lýkur í kvöld en þá stíga síðustu átta hljómsveitirnar á svið og keppa um sæti í úrslitum. Áheyrendur hafa þegar valið þrjár hljómsveitir áfram og dómnefnd þrjár. Hljóðfærasláttur hefst kl. 19.30 í kvöld. Úrslit tilraunanna verða haldin laugardaginn 1. apríl.
Hljómsveitirnar sem hreppa efstu sæti keppninnar hljóta ýmis verðlaun og hljóðfæraleikarar eru verðlaunaðir. Viðurkenning er líka veitt fyrir textagerð og eins verður valin blúsaðasta hljómsveitin og rafheili keppninnar og áheyrendur velja Hljómsveit fólksins.
Allar hljómsveitir eru kynntar á mbl.is.
Hefur verið boðinn borgarstjórastólinn
Prjónaði sokka á þann sem myrti hana
Alfreð var sakaður um nauðgun
Erfitt að lesa Morgunblaðið í gær
„Núna byrja svona alvöru þreifingar“
Alfreð Erling tjáir sig ekki frekar í morðmáli
Börn þora ekki í skólann
154 hælisleitendur finnast ekki