Yrsa alsæl með Ég man þig

„Í tilefni af frumsýningu Ég man þig í kvöld langar mig að deila með ykkur ánægju minni með kvikmyndina. Ég kaus að koma ekki að handritinu og sé ekki eftir því, úrvinnsla leikstjórans Óskars Þórs og handritshöfundarins Ottó Borg skila sér í rosalegri bíóupplifun sem ég hef engu við að bæta. Myndin er fullkomin eins og hún er. Í ákveðnum skilningi var bókin barnið mitt og myndin þannig barnabarn. Það hefur aldrei þótt tilhlýðilegt að ömmur (eða afar) skipti sér af slíkum getnaði – næsta kynslóð er fullfær um það upp á eigin spýtur eins og þetta dæmi sannar. Að lokum er ekki annað hægt en að minnast á snilldarleik aðalleikara myndarinnar – þau eru öll súperdúperstjörnur í mínum huga. Til hamingju með daginn ZikZak og allir sem að gerð myndarinnar komu. Hún er frábær,“ segir Yrsa á Facebook-síðu sinni. 

Frétt af mbl.is

Unnur Birna lét sig ekki vanta

• Blogga um frétt