Ók 160 km til þess að sækja kærustuna
Setja bókamerki
Tengdar fréttir
Kóngafólk
Harry Bretaprins ók 160 kílómetra til þess að sækja kærustu sína Meghan Markle og fara með henni í brúðkaupsveislu Pippu Middleton í gærkvöldi.
Harry mætti í athöfnina í gærmorgun ásamt bróður sínum Vilhjálmi en samkvæmt frétt Sky News fór hann snemma úr síðdegisveislu eftir brúðkaupið til þess að sækja Markle, sem beið hans í Kensington-höll í Lundúnum.
Uppi höfðu verið hugmyndir um að Markle myndi mæta í athöfnina með Harry og hefði það verið í fyrsta skiptið sem þau sjást saman opinberlega síðan þau byrjuðu saman í fyrra. Samkvæmt frétt Sky News vildi Markle ekki koma í athöfnina því það hefði mögulega skyggt á brúðhjónin.
Brúðkaup Pippu Middleton og James Matthews í gær var stjörnum prýtt, enda er Middleton systir Katrínar hertogaynju af Cambridge. Meðal gesta í athöfninni voru Georg prins og Karlotta prinsessa, en Georg var hringaberi og Karlotta brúðarmey í athöfninni.
Um kvöldið var síðan veisla á heimili Middleton-hjónanna, foreldra Pippu og Katrínar, og voru Harry og Markle gestir þar samkvæmt Sky News.
Breskir fjölmiðlar hafa haldið því fram að kostnaðurinn við brúkaupið nemi 300.000 punda, eða sem nemur tæpum 40 milljónum króna.
Tengdar fréttir
Kóngafólk
Æskuvinir sem fóru í víninnflutning frá Georgíu
KEF Spa: „Eitthvað sem þú hefur ekki séð áður“
Björgunarsveitir kallaðar út í nótt
Taka upp grímuskyldu á Landspítalanum
/frimg/1/53/82/1538213.jpg)
„Hálendið eiga menn að skoða“
Býst við meiri aðsókn í janúar
Skoða ráðstafanir vegna mikillar kuldaspár
Spá 13-18 stiga frosti í borginni