Nýgiftu hjónin Pippa Middleton og James Matthews sáust á LAX-flugvellinum á leið sinni til Frönsku-Pólýnesíu. Hjónakornin munu vera á leið til eyjunnar Tetiaroa sem þekkt er fyrir að hafa verið í eigu stórleikarans Marlons Brando. 

Samkvæmt Hello munu hjónakornin eyða viku á eyjunni í brúðkaupsferðinni á hóteli sem kallast The Brando. Eyjan er einstaklega falleg og hægt að stunda hinar ýmsu vatnaíþróttir þar en hjónin eru miklir íþróttagarpar og fóru meðal annars út að skokka saman daginn fyrir brúðkaupið. 

Verð á einbýli á hótelinu er að minnsta kosti 270.000 íslenskar krónur en gert er ráð fyrir að hjónin borgi meira enda mjög efnuð og líklegt er að þau nýti sér 24 klukkustunda þjónustu. Eftir viku á eyjunni munu þau fara í frí á skoskt sveitasetur í eigu fjölskyldu Matthews. 

Hér má sjá myndir af eyjunni og hótelinu sem hjónin munu eyða hveitibrauðsdögunum á.