Dave Grohl hrósaði Íslendingum í hástert
Setja bókamerki
/frimg/1/38/35/1383519.jpg)
Bandaríska rokksveitin Foo Fighters steig á svið á tónlistarhátíðinni Secret Solstice í kvöld og flutti þar flest af sínum bestu lögum, auk þess sem þrjú ný lög voru frumflutt.
Forsprakki sveitarinnar Dave Grohl talaði til áhorfenda og sagðist hafði ekkert nema gott um Ísland að segja. Landið væri mikil fyrirmynd því hérna beri fólk mikla virðingu fyrir náttúrunni, Íslendingar séu gáfaðir og komi einnig vel fram hver við annan.
Hann bætti við að ef hann myndi einhvern tíma flytja á annan stað með fjölskyldu sinni kæmi Ísland þar sterklega til greina.
Grohl greindi einnig frá því að hann hafi keypti sér hálsmen þegar Foo Fighters kom hingað fyrst til lands árið 2003 og hann hafi ekki tekið það af sér síðan.
Lítil dóttir Grohl steig jafnframt á svið á tónleikunum og lék undir í Queen-laginu We Will Rock You.
Sveitin spilaði í um eina og hálfa klukkustund og var stemningin mjög góð, að sögn blaðamanns mbl.is á staðnum.
Secret Solstice heldur áfram á morgun en hátíðinni lýkur á sunnudaginn.
Framkvæmdir aðeins hafnar á minni hluta lóða
Mundi ekki að hann bjó á Sauðárkróki árið 2001
Stórbruni í Ósló
Ekki búið að skipa hópinn
Dagur gerði ráð fyrir að verða þingflokksformaður
Mönnunarvandinn „kristallaðist“ í Rangárþingi
„Ýkjukennt“ að segja viðræður „í rífandi gangi“