Dánardómstjóri í Los Angeles-sýslu segir að kæfisvefn og aðrir þættir hafi leitt til dauða bandarísku leikkonunnar Carrie Fisher. 

Fisher, sem var sextug, veiktist í flugi þegar hún var að fljúga frá London til Los Angeles 23. desember. Hún var þá að kynna bókina The Princess Diarist. Hún lést fjórum dögum síðar. Í janúar var greint frá því að hún hefið fengið hjartaáfall. Móðir Fisher, leikkonan Debbie Reynolds, lést degi síðar.

Dánardómstjórinn segir hins vegar í yfirlýsingu að nákvæm dánarorsök liggi ekki fyrir, að því er segir á vef BBC.

Fram kemur á vef Landspítalans, að kæfisvefn sé ástand sem einkennist af endurteknum öndunartruflunum í svefni ásamt syfju þegar fólk er vakandi. Hjá fullorðnum telst það öndunarhlé ef öndunin hættir alfarið í 10 sekúndur eða lengur. Kæfisvefn kallast það þegar öndunarhlé í svefni eru 5 eða fleiri á klukkustund.

Dánardómstjórinn segir ennfremur að aðrir áhrifaþættir hafi leitt til dauða Fishers. Hún hafi verið greind með hjartasjúkdóm auk þess sem hún hafi í notað vímuefni.

Fisher er þekktust fyrir að leika Lilju prinsessu í Stjörnustríðskvikmyndunum. 

Tengdar fréttir

Carrie Fisher og Debbie Reynolds látnar

Næsta mynd sú síðasta sem Leia birtist í

• Duftker Fisher risavaxin Prozac-tafla
• Heiðruðu minningu Carrie Fisher og Debbie Reynolds
• Líkamsleifar Fisher voru brenndar
• Munu hvíla hlið við hlið

» Fleiri tengdar fréttir

• Blogga um frétt