Biðst afökunar á dólgslátum

Banda­ríski kvik­mynda­leik­ar­inn Shia LaBeouf hef­ur beðist af­sök­un­ar eft­ir að hann var hand­tek­inn fyr­ir að ógna lög­reglu­manni síðasta laug­ar­dag.

Frétt af mbl.is

LaBeouf hand­tek­inn fyr­ir dólgs­læti

„Ég skamm­ast mín gíf­ur­lega fyr­ir hegðun mína og hef eng­ar af­sak­an­ir fyr­ir henni,“ stóð í skila­boðum sem LaBeouf birti á Twitter í gær. 

Leik­ar­inn bætti því við að hann ætli að vinna í því að verða edrú þar sem hann sé bú­inn að vera fík­ill of lengi og von­ar að botn­in­um sé náð.  

LaBeouf ógnaði lög­reglu­manni eft­ir að hann neitaði að gefa hon­um síga­rettu sam­kvæmt til­kynn­ingu lög­regl­unn­ar í Georgíu-fylki.

Mynd­band af hand­tök­unni hef­ur farið eins og eld­ur um sinu um netið en á mynd­band­inu heyr­ist LaBeouf ásaka lög­reglu­menn­ina um að vera ras­ist­ar vegna þess að hann seg­ir þá aðeins hafa hand­tekið sig fyr­ir að vera hvít­ur. 

Þetta er í annað skipti sem leik­ar­inn er hand­tek­inn á þessu ári. 

• Blogga um frétt