Rich Piana látinn?

Vaxtarræktarmaðurinn Rich Piana er látinn ef marka má færslur vina hans á Twitter. Piana var kvæntur Söru Heimisdóttur og bjó parið saman í Bandaríkjunum. Ekki er hins vegar víst að Piana sé látinn því unnusta hans segir að hann sé á lífi en í dái á sjúkrahúsi.

Samkvæmt frétt TMZ veiktist Piana hastarlega á heimili sínu í Flórída í gær og var fluttur með hraði á sjúkrahús. Honum er að sögn haldið sofandi í öndunarvél en er í lífshættu.

Chanel Jansen, unnusta Piana, segir að fréttir af andláti hans séu algjörlega tilhæfulausar og hann þurfi frekar á bænum fólks að halda en minningarorðum.

• Blogga um frétt