Sara Heimisdóttir segist enn gift Piana

Sterkur orðrómur hefur verið á sveimi á netinu um að vaxtarræktarmaðurinn Rich Piana sé látinn en Sara Heimisdóttir staðfesti þær fréttir á Instagram-síðu sinni rétt í þessu.

Frétt af mbl.is

Rich Piana látinn?

Sara skrifar undir mynd af þeim saman að hún sé niðurbrotin yfir þessum fréttum og hún vilji ekki trúa þessu. Hún þakkar honum fyrir að hafa kennt sér svo mikið í gegnum lífið og fyrir alla góðu tímana sem þau áttu saman.

Hún bætir einnig við að skilnaður þeirra hjóna sé ekki genginn í gegn, sem fáir vita. Í fyrrasumar skildu þau að borði og sæng og sagði Piana Söru hafa notað hann til þess eins að fá græna kortið. Sara hefur fullyrt nokkrum sinnum að það sé ekki satt og hún hafi elskað hann í raun. 

Hún endar færslu sína á því að þakka Chanel, núverandi kærustu hans, fyrir að elska hann og vera til staðar fyrir hann.  

• Blogga um frétt